傳媒訪問

 

10大消滯整腸食物飲品 通便排毒 營養師教路|食是食非

 

經過聖誕新年派對,晚晚大飲大食,大魚大肉,大節過後一番後,人攰之餘,腸胃都攰,感覺飽飽滯滯,冇晒胃口,究竟食咩可以拯救腸胃?即睇10大消滯整腸食物飲品,究竟食咩可以拯救腸胃,消滯減脂,一齊聽營養師講講啦!

 

撰文:Jeff 攝影:新假期資料室 營養顧問: Gloria Tse

 

10大消滯食物!


西梅原來是天然通便藥

消滯未必一定要食藥,一些日常食物完來都好幫得手,以下是10款由營養師建議的消滯食品,健康又有益!

 

1. 西梅

可謂天然通便藥,含有物質可引致輕鬆腹瀉,幫你排毒!而且酸度高,亦有助刺激胃酸分泌,幫助消化,是一等一的消滯良品!

消滯

 

2. 乳酪

含有豐富益生菌,促進腸道蠕動,加快排出宿便,紓緩肚脹感覺,但要記得選擇無糖低脂乳酪,減低腸道負擔!

YOUGURT

 

3. 普洱茶

這類全發酵茶,含有大量咖啡因與單寧酸,均可有效刺激胃酸分泌,幫助消化。

tea

 

4. 綠茶

如煎茶,毛尖等未發酵茶,雖然咖啡因與單寧酸不及普洱茶豐富,但含有抗氧化物兒茶素,令你狂歡一夜後,依然可以焕發光采,最適合一眾夜鬼!
GREENTEA

 

5.齋啡

除了茶類,同樣含有豐富單寧酸與咖啡因的咖啡,都有助刺激胃酸分泌,但要記住只限齋啡,咖啡如果加奶,其中的乳脂,反而成為腸胃的額外負擔!

black

 

生果消滯食呢啲!

以下三款生果的 消滯 效果尤佳!

 

6.奇異果 7.菠蘿 8.木瓜

奇異果、木瓜、菠蘿中分別含有Actinidin、木瓜蛋白酶、鳳梨酵素等天然酵素,可有效幫助腸胃消化,而其中的纖維更可促進腸道蠕動,只要一日食相當於兩個成人拳頭大小的份量,即可達到 消滯 效果!

FRUIT

 

9. 木耳 10. 秋葵

纖維含量極高,促進排便,而且比一般蔬菜含有更多水溶性纖維,可有效降低飽和脂肪形成的膽固醇。

MOK

kwai

 

關於消滯,仲要記住:

 

1. 消滯消脂

消滯的意思僅指幫助腸胃消化,促進排便,消除肚脹飽滯的感覺,並不等同消脂減肥,暴飲暴食之後,飲幾多濃茶,食幾多生果,身體依然會吸收多餘脂肪,都係會肥。

 

2.食粥清腸胃

的確,粥品的烹調方式,容易令腸胃吸收,不會額外做成負擔,但只限白粥,如果你吃的是豬骨粥、雞粥,其中的動物脂肪,反而會令你愈食愈滯。

 

3.「大餐」真係可以「急救」?

市面上流行所謂「大餐急救」的藥品,聲稱可以阻隔腸胃吸收,達到減肥效果,但營養師指出,現階段沒有充足科學證明以上功效,而且食得多反而會干擾腸胃運作,做成腹瀉,少食為妙!其實要減肥,反而餐前吃一點水果,效果會更加實際!

 

營養顧問:

HOTPOT01

註冊營養師 Gloria Tse(fb:註冊營養師Gloria- 為食營人

澳洲註冊營養師,著作有《79道簡易護膚食譜》,教人用30分鐘做好減肥美肌料理。經常在facebook與大眾分享越食越fit的心得。反對節食,堅持減磅是飽住瘦。

https://www.weekendhk.com/633957/dining/消滯-food-wiki-大餐急救-便秘/