會員心聲

member-avatar

Crystal / 準新娘大作戰註冊營養師教我點樣飽住瘦?

營養師令我真正明白"Eat right , not less." 呢個道理 。佢好少會話有咩係一定唔食得,只要適可而止,控制好個份量就可以。

話說男朋友最鐘意帶我周圍食,最愛見到我食到好味野個滿足様我自己本身又係為食既!唔肥唔食最愛食麵包,蛋糕,甜品等等...

以前後生新陳代謝快啲都叫好少少,過左25歲後新陳代謝減慢,又少做運動,真係開始覺得自己愈來愈脹。連最呃到人既面部都開始變肉丸。漸漸聽到身邊同事,朋友話自己肥左,的確會有少少唔開心但就一直未有決心去減

直至今年五月去影sa wedding送既廣州pw之後⋯我就決心要瘦因為太太太貪靚既我實在接受唔到影出黎既效果加上我身邊既男朋友又瘦,我真係無得唔減 而且決定搵營養師帶住我減!咁就無藉口偷懶啦! 

 

呢2張係我未跟營養師前去試裙既相,啲肥肉吱曬出黎見到都想嘔

 

連我塊臉最呃到人都開始好脹,pizza面

 

感恩比我一搵就搵到個好適合自己既營養師, 呢幾個月黎佢教左我正確飲食既知識,而呢啲知識係一生授用唔駛減肥都啱用的!

減肥全個過程,營養師都會計番足夠營養比我既身體,令我減得黎唔會令身體有過多既負荷。出面好多營養師都叫人戒澱粉或者用比較單一化既餐單,而我既營養師會跟據我生活習慣同喜好去為我設計適合我既飲食方法咁樣先確保我平時返工都跟到個餐單,而且我既餐單係會keep返適量既五穀類,咁先有energy 去burn fat 嘛!太耐唔食五榖類個人都會變得燥底架!營養師令我真正明白"Eat right , not less." 呢個道理 。佢好少會話有咩係一定唔食得,只要適可而止,控制好個份量就可以。

另外營養師令我知道要攝取足夠蛋白質既重要性我本身唔太愛食肉類,開初營養師經常提我要食多啲鮮肉類或者其他蛋白質,結果食多啲蛋白質類真係減得快啲,而且減落黎啲肉先會結實而唔鬆的

 

呢張係跟左營養師2-3 個月後影pw,雖然手臂仲係肥美,但面部輪廓出番,條腰都明顯修番 
講左咁耐,係咪好想知我減左幾多呢跟左營養師大概五個月,已成功減左超過20 磅,當然磅數唔等於一切,而20 磅裡面足足走左14 磅肥膏太感動!最重要皮膚明顯靚番好多,少左生粒粒️其實我已經算唔太聽話,有時跟唔足餐單。不過總算響我1 月wedding前完成營養師比我既target 依加希望追多少少磅數,同修返靚個shape啦!

 

11月中做姊妹時影既,個樣都sharp d️bye bye發水面包

 

 

個背脊同之前明顯有分別,終於有番ddd骨感

 

我好想喺度衷心多謝陪伴我整個減肥過程既營養師,多謝你一路以黎既幫忙同鼓勵!我會努力比心機追返放肆11 月既磅數,唔會令你失望!
我亦想鼓勵下同我一樣努力減肥中既B2B ,減肥唔一定係捱餓,唔一定係好辛苦的。我呢幾個月黎,我自己覺得講唔上好辛苦,仲好夠飽添,當然要多啲定力,唔好受身邊朋友既引誘戒下零食甜品等。有太多關於減肥上既野想方享,希望遲d再出個post 同大家交流下!