會員心聲

member-avatar

Iris / (續) 繼續keep fit 篇(維持40磅的心得)

呢篇文最主要講返減完之後如何維持,維持成點,有無反彈,big day 個日的狀態等等。

呢篇文最主要講返減完之後如何維持,維持成點,有無反彈,big day 個日的狀態等等。

 

2019年3月,當時maintenance亦進入最後階段,這也是我人生中最瘦最fit的時候,大概102-103磅(我最理想的磅數係105啊其實)!去左臺灣影pre wedding,fitting試衫的時候件件都拉得上仲要改窄的感覺,應該會比中六合彩還要開心吧?同埋臺灣女仔出名瘦瘦瘦,我竟然都著得上,真係開心到阿媽都唔認得!

 

專登揀d 無edit 過既相,咁先呈現到最真實的狀態啊!

影完pre wedding之後我的減肥package亦已結束,之後就係考驗自己毅力的時候啦!

 

老老實實,人都係有欲望的(尤其對食物),我話我完全唔偷食,你都唔會信啦!但我再次想強調的重點係:見營養師減肥唔係鼓吹你一味清蒸水煮,亦唔會令你無人生樂趣,只要你識調整心態,拉上補下,其實人生依然好美好。

 

咁之後我就自甘墮落左幾個月啦!講笑姐!之後我的確食多左肥膩野,但我依然維持一星期有一至兩日跟番餐單,咁我一到weekend都係會食少少少少邪惡煎炸野既,偶爾放縱下我就覺得無傷大雅。其實我的餐單真係唔難跟,我真係日日食出面,係完全無出現過搵唔到野食架!

 

 

婚禮上聽到最多的一句就係你好瘦啊!!心入面超超開心!努力咁耐都係為呢一日姐!

 

最後想強調,營養師唔係神仙,如果你自己一d意志力都無,基本上無人幫到你!但係在營養師的幫助及指導下絕對會幫你瘦得健康瘦得靚!

 

另外一點,好多人會問,其實自己食少d都可以瘦啦,唔食澱粉肚腩都會細d啦,有需要見營養師meh?我相信大家都會認同,唔係一味瘦就係靚,我亦好驚被人話我又瘦又殘又dry!但我減肥咁耐而來,大家都贊我瘦得好健康好精神,唔會dry,呢個就係自己盲目減肥同見營養師的分別,因為營養師唔係淨係幫你減磅,最緊要的係要幫你在營養均衡的情況之下減磅!我的餐單基本上涵蓋澱粉、蛋白質、蔬果,奶類,所以絕對係在健健康康的情況下瘦(始終健康最重要阿嘛!)同埋同埋,我係唔需要食任何代餐 etc,我亦好唔中意食代餐,我係一日食足三餐,餐餐都會有充足營養架!當然,搵個合適的營養師都非常非常重要啊!因為減肥一定要在快樂愉快輕鬆的情況下進行先唔會咁易反彈架!

 

最近附上一張我人生巔峰期(減肥前)的相片作為個完美(驚嚇)的ending,藉此激勵所有豐滿的新娘子!!