Pau Pau / (續)婚前怒減60磅後記~
我諗大家除左想知我點減之後，都好想知我減完會唔會反彈，難唔難KEEP等等等等既問題。我而家就同大家分享下我成功減磅後keep磅既心路歷程啦～ 我婚後跟住營養師教我既飲食重點，係唔需要節食，日日食飽飽，而且每一餐都食得好開心（減肥期間心情好重要！）
大約10個月前我寫過一篇BLOG係講婚前因為睇營養師成功減去60磅
(有30磅係自己靠烚菜跑步減，因為起點係196磅，本身好重，所以開頭好易跌磅，大約用左三個月就已經減左30磅，但之後就做咩都落唔到磅先決定搵營養師，最終係營養師度用左六個月減左30+磅，埋單係減左64磅)
我諗大家除左想知我點減之後，都好想知我減完會唔會反彈，難唔難KEEP等等等等既問題。我而家就同大家分享下我成功減磅後keep磅既心路歷程啦～
但我婚後跟住營養師教我既飲食重點，係唔需要節食，日日食飽飽，而且每一餐都食得好開心（減肥期間心情好重要！），因為之前遇過一個每餐都只係比我食白烚菜＋雞柳＋蕃薯既營養師，我跟未夠一個月已經感覺到自己有啲抑鬱＋暴食，所以食得開心滿足係好重要！（我真係好好好好好好彩，係我就黎崩潰既時候比我遇到HAYLEY）
你可能會問：哇，日日咁跟餐單咪好無人生樂趣？我點約人食飯呀？
傻豬黎既，我成功穩定左磅數後，一星期左右就會有一餐大餐，係唔忍口食到夠食到滿足個種，自助餐，ＢＢＱ，打邊爐，大牌檔，乜都會食，只要之後跟住營養師教既方法去還數（我呢個有借冇還既下等人成日唔還添XD），自然會維持到磅數。
我食既野顏色都幾豐富架，成日都好期待食飯個一刻！
甚至有一段時間我用盡一切藉口逃避朋友既鏡頭：我冇化妝，個頭好亂……甚至：我今日唔想影相都講過（做乜呀？你以為自己係賭神定賭聖？）
以上既相我係好努力係FB搵番，十幾年加埋既相真係廖廖可數。
而家，未至於話極度熱愛影相，但至少無懼全身相，同老公去過既地方，同朋友既聚會，都唔需要諗藉口去避過鏡頭，而睇番轉頭，我發現而減肥後我既笑容明顯燦爛左既。
我咁大個女第一個夏天可以著短褲，回想起我都唔明點解咁鬼熱我可以堅持著咁多年legging!
最正係雖然我已經完左plan，但仲可以whatsapp問營養師問題，佢一啲都唔會嫌你煩又或者唔耐煩，有問必答！信我，我之前試過無數減肥藥，無數地獄減肥餐單，如果你真係有決心要減，搵佢地會行少好多冤枉路，因為我就係人板！
分享到呢度，預祝每位新娘婚前婚後都一樣咁FIT咁靚！