會員心聲

成為兩個小朋友媽媽之後，逐漸無咁在乎自己身型。雙職父母壓力大，甜品同報復式飲食成為我同丈夫抒發情緒既出口。直到老公痛風發作逐漸頻密，終於扚起心肝去睇醫生，發現所有指標都超標。過去二十年，我地一齊試過代餐，生酮飲食，減肥藥，但都係無效減肥。經護士朋友介紹Nutri Life，我地決定認認真真搵營養師減肥。我係一個重口味又鍾意食雞皮豬頸肉既人，記得頭半年減肥成績非常麻麻，主要係因為自己心態未調整到，望住基數大既老公輕輕鬆鬆三個月減15磅，我真係好氣餒。然後Fiona俾左好多唔同食譜我，同我一齊發掘我會鍾意既健康餐單。用左半年時間，我既日常飲食習慣真係徹底改變，唔再好似以前日日放工都要食好野，唔會再講：「要暖住個胃先訓得著」。就連我晚晚要食甜品做結尾都搵到取代方法！而家每一個見到我同老公瘦左咁多，回復青春咁，我都會同佢地講搵Fiona啦！由精神層面改變你以後人生既飲食習慣。