會員心聲

『同舊同事食飯時，見佢瘦咗幾個碼，先知道原來佢跟咗營養師，仲話唔駛做運動都已經好有效果，於是就去見咗Gloria。因為本身都有過胖跟脂肪肝問題，所以Gloria 就 refer 咗 Jennifer 跟進我個case，開始咗一段 7+3 (7個月減重 + 3個月維持) 的療程。

因為平時出街食飯多，Jennifer好貼心咁俾咗個清單我，裡面有早、午、晚三餐建議嘅餐廳及菜式。每次見面時，Jennifer都會因應需要去設計一兩餐「特別餐」，去達到一些效果 (如去水腫)。跟住食，就真係食住瘦。而且減頭20磅時 (用咗4個月，中間去咗次旅行)，真係完全冇做過咩運動，純粹靠飲食去調理、拉上補下，對我呢啲懶人嚟講真係福音。

Jennifer 好強調要自律。初時我見佢時，問佢有冇「一星期cheat meal」，佢話冇。之後果晚
無啦啦send咗段過二百字嘅WhatsApp俾我解釋原因。其實我想講你唔係長氣，而係真心對待每個client 去達到目標。

而且Jennifer 都會分享飲食配搭技巧同營養資訊，等完成整個療程後都可以繼續維持心水體重，非常實用。�最終畢業減咗35磅。最驚喜係，過左咗八個月療程時去做肝纖維掃瞄，護士問我：「病歷話你有脂肪肝，點解我見唔到？」原來不知不覺間，連脂肪肝都冇埋，而且連食咗好幾年嘅肝藥同膽固醇藥都可以停埋，抵曬！

多謝Jennifer！』