會員心聲

我終於畢業啦????全靠Gloria了解到我懶到出汁嘅性格????安排Wendy去consult我????????????⁣
⁣
先講講成績：我係半年內嘅體脂跌5.5% = 3大舊脂肪，BMI由22.9????????20.5，體內年齡後生12歲！即係一個生肖omggggg????之後我仲勁屎忽痕去磅返坊間所謂嘅體脂磅，一年體脂竟然跌11.3%！⁣
⁣
雖然我冇其他同學仔邊做運動邊控制飲食減得咁快，但至少對得住自己身體：食足三餐連澱粉、照食麥當勞同燒味飯、飲埋可樂同檸檬茶????主張一個零運動減重方法????⁣
⁣
我試過好多方法去減磅：行168/輕斷食/跟其他機構學習計算卡路里/飲蛋白粉做早餐/食product控制食慾/箍牙/做機等等。我發覺正確食飯先至係最易堅持同埋最難反彈嘅方法，全靠Nutri Life天書，分食物類型去計卡路里，同埋普遍嘅餐廳有咩食物選擇，有個概念去揀正確嘅食物，啱哂我呢啲數口極差嘅人????⁣
⁣
我同你講均衡飲食先可以減肥，個個都會覺得阿媽係女人嚟，但我可以好肯定，全靠飲奶、食返菜同生果、轉食優質嘅澱粉同蛋白質先會有今日嘅成績！⁣
⁣
好多謝Wendy陪我走過備婚嘅路，我係佢見過最早減肥嘅準新娘????我希望所有item盡量係自己控制範圍之內，以最佳狀態結婚，包括前期影pre-wedding！⁣
⁣
距離我big day仲有一年左右嘅時間，Wendy教我拉上補下嘅方法以堅持到最後，另外我仲學識人需要邊啲營養，係關乎到長遠嘅健康問題。我希望Big Day前可以減多6-8磅！我承認減肥係會減上癮，亦會嘗試保持唔內疚嘅心態去食返少少零食，以保持心境開朗????⁣
⁣
再一次多謝Nutri Life!多謝Wendy！我先可以有強大嘅勇氣著上我嘅The One：魚尾婚紗????????‍♀️