Crystal / (續) 婚後review之減肥大成功 • 感恩遇到好好既營養師
如果大家有睇過我之前既blog, 就知道愛澱粉愛甜品既我喺婚前大概半年開始跟營養師減肥。上一次同大家share過我婚前3個月既成績，大家都覺得好神奇，效果非常明顯結左婚已經就快三個月了，今日終於有時間同大家分享番我1月結婚時既成績比大家睇...
如果大家有睇過我之前既blog, 就知道愛澱粉愛甜品既我喺婚前大概半年開始跟營養師減肥。上一次同大家share過我婚前3個月既成績，大家都覺得好神奇，效果非常明顯結左婚已經就快三個月了，今日終於有時間同大家分享番我1月結婚時既成績比大家睇
婚前3個月，我最擔心既手臂仲係有肉肉感既。到時1 月結婚既時候已經明顯瘦曬啦減手臂方面，除左從飲食著手之餘，我既營養師本身有personal trainer 牌，佢仲教左我幾套動作去firm手臂婚前既我當然好努力去做，希望big day當日著起婚紗會美美的
見到對手臂都驚
結婚當日
好記得big day當晚，其中一位朋友上台同我影相時，仲開玩笑咁話：「究竟你條腰有冇16 吋呀？」其實一直減落黎條腰都瘦得好明顯！營養師後期幫我度腰圍同肚腩尺寸，再同番減肥前既尺寸比較，真係嚇親大家 差不多減左8-10 個圈呀!
回顧返成個減肥過程，真心覺得唔算辛苦。餐餐食得飽！而且唔難食！唔會一定要清蒸白烚。唔係食擦紙膠雞胸，照様出街食，可以繼續食五穀類。只需要揀啱食物，食啱份量自然就會減到磅Eat right , not less . 我實在太認同營養師呢句左右銘!
因為見到身邊減肥既朋友減得好辛苦之餘又冇乜成效。佢地成日話食少啲，或者6 點後唔食野，又或者戒澱粉。營養師話咁様反而令自己想食邪惡野既慾望會更大，一忍唔住食果下仲食更多添 所以減肥既時候，偶爾比自己放下假，食自己鐘意既，食完下一餐扣返平衡返就可以啦
真係真係真係( 太重要所以講3次）好感激比我遇上我既靚女營養師（其實呢編係示愛文）多謝佢陪伴住我整個減肥過程，無expect 過減肥過程係開心輕鬆既！而且從來唔覺得去營養師度上磅係有壓力的，因為我相信營養師會幫到我，佢仲改變左我好多舊有而且錯誤既減磅觀念每次睇viu tv既減肥節目「胖伴」都期待你出場講野
到依加我結婚後3 個月，去埋個日本旅行都冇點肥返喇！因為跟左營養師之後，就會學識點樣keep住咁 fit , 食多左又可以點扣返識食就緊係要識得夠「營」!